Kongkow Cerdas: Aki Maja dan Kong Usman

BEKASI HILANG ?

Kong Usman lagi ngebetin atlas nyariin sesuatu. Jelas aja dia kaga ngeliat karena matanya udah minus dan kudu pake kacamata nyeng tebel. Sialnya..kacamatanya pecah gara-gara dijatohin cucunya – Alfi nyang sedeng semerakatnya kaga bisa diem kaya cacing kepanasan. Engkong belon sempet lagi pegih ke Pasar Proyek buat nyari kacamata di optic Koh Culay. Kepaksa engkong kudu ngicerin matanya buat baca huruf nyang ada pada peta.

      Lagi Engkong sedeng serunya Aki Maja datang sambil bawa gambar nyang lebih heboh lagi. Gambar pesawat luar angkasa. Dua orangtua itu saling pandang.

      “Lagi nyari apaan Kong?”, Ki Maja mulai ngorek.

      “Lu liatnya dewek, emang lu kira gue lagi nyari ciput ama kijing  di Kali Malang”.

      “Lah, terus lu lagi nyariin apa di atlas, tuh? Hmm..gue tau karang mah, pasti lu lagi nyariin Bekasi nyang kaga ada di peta yah. Laguan Kong. Dari dulu go…Bekasi mah ada di atlas. Bekasi selebar alaihim masa kaga ada dipeta, emang kecebong apa?”, cerita Aki sambil duduk di bale ketapang.

      “Katanya Bekasi kaga ada di peta?”.

      “Kata sapah?”

      “Kata netter?”

      “Cie…cie..netter, siapa lagi tuh mahluknya?”

      “Yah..begitu nyang lagi rame gue denger..”

      “Kaga bener, Kong. Itu namanya bullying alias gossip, keluh kesah dan sumaph serapah nyang kaga bedasar. Nyang bener tuh Bekasi sudah dikenal sejak dulu kala, sejak namanya masih Bhagasasi. Coba aja suruh tuh pada buka dan baca sejarah..kalo kaga faham kan boleh nanya sama Sejarahwan Bekasi”,  cerita Aki agak mangkel romannya.

      Engkong Usman senyum. Iya juga sih. Pan dari dulu juga gue dibrojolin di tanah ini. Ngapa gue jadi bodoh?

      “Ya sih sejarah emang begitu, Ki. Tapi kan realitasnya kudu dibenerin. Bekasi panas, jalan Bekasi rusak, Bekasi jauh…itu tuh nyang bikin Walikota rada sewot dan mangkel..”

      “Pan ini namanya koreksi, Kong. Kudunya kita bersyukur ada orang nyang ngoreksiin kita. Artinya kita lebih kudu introspeksi diri. Emang sih Bekasi karang mah udah rame banget, reklame ngalahin banyaknya pohonan, itu nyang bikin panas. Jalan masih banyak nyang bolong dan bopeng. Pan lagi ngebangun, bentar lagi juga mulus dan rapi..” kata Aki Maja

      “Satu lagi, Ki. Kata ahli sih Bekasi kudu punya icon nyang bisa dikenal, bisa dijual dan jadi kebangggan masyarakatnya. Misalnya nih, kan Bekasi dikenal dengan gabus pucung-kulinernya, atau dodol, nah coba deh buka stand dan restoran nyang nyediain tuh kuliner. Biar kaya kota lain di nusantara gitu. Misalnya;Bogor  dikenal  karena tales dan asinan, purwakarta tape gantung dan seterusnya..”

      “Gue ngarti…kita kudu ngidupin industry kreatif”

      “Mantap…itu maksud gue”, sahut Engkong sambil empron.

      “Eh luh mau kemana?”

      “Ke Pasar Kranggan..”

      “Ngapain?”

      “”Nyari gabus…”

      “Bujug dah tuh engkong. Gue ngomong belon kelar dia udah ngebecir..”

Ini emang kesempatan buat para creator, seniman, budayawan, pengusaha, pemerintah untuk memikirkan dan menghidupkan asset local untuk diberdayakan sebagai nilai jual yang tidak hanya menguntungkan secara finasial, tetapi juga menjadi ikon.

      “Gue nyusul ah…”

Aki Empron juga…

Majayus Irone/Budayawan/Rumahmediagrup.com/Cerpen

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

This site uses Akismet to reduce spam. Learn how your comment data is processed.